La Pruno Dorna

La Esperanto-blogo de Liŝano

Mia Foto
Nomo:Liŝano
Loko:Irlando

2006-07-20

Eterne (gazalo)

La gazalo estas malnova poeziformo okcidentazia, kiu enhavas plurajn kupletojn; la du linioj de la unua kupleto finas per la sama vorto, kaj la dua linio de ĉiu kupleto ankaŭ finas per tiu vorto. Ĉiu kupleto devas esti memstara poemeto, kaj normale la gazalo ne estas eksplicite tema. Tradicie, gazaloj ofte kantiĝas.


Ciaj lipoj kovru min eterne
Mi drinkus la vinon aman eterne

Malhelaj estas la dezerttendoj de Kedar
Ankaŭ mi vojeraras inter dunoj eterne

Koleriginte ege mian reĝon
Ĉu mi laboros en liaj kampoj eterne?

Niaj gregoj paŝtiĝas de aliaj ŝafistoj
Vagante boskon kaj fendon eterne

Kiel la sovaĝfloroj de Ejn Gedi
Tiu ĉi orĉeno rondcirklos min eterne

Gazelo fiksrigardas tra fenestro
Mi kaptatos de ĉi revo eterne

Promesu min, jeruzalemaj virinoj
Ne interrompi nian amoron, ne eterne!

La verda herbo estu nia lito
La cedroj estu nia domo eterne

Norman

3 Komentoj:

Anonymous Roland diris...

Cxu vi mem verkis la gazalon aux cxu estas traduko ?

Ja agrabla gxenro estas gazalo!

Alia gxanro, kiun mi sxatas estas Rondelo. Cxu vi konas la versaj korespondado rondelforma inter W Auld kaj Marjorie Boulton?

16:30  
Anonymous Anonymous diris...

Cxu vi mem verkis la gazalon aux cxu estas traduko ? Jes kaj jes! Mi ĝin verkis unue angle.La gazalo estas plaĉa se bone farita, sed malfacila fari bone :)

Mi ne konis la Rondelon, sed nun, post legi ttt-e la rondelkorespondadon menciitan, mi devos provi ĝin!

Preskaŭ tuta mia poezio estas en formoj japandevenaj.

Amike
Liŝano

17:12  
Anonymous Roland diris...

Bravege! Ne nur estas tre bela neforgesebla poemo valora (mi tre sxatas gxin!), sed vi ne nur bone sekvis la regulojn sed ankaux la temon kaj etoson, la inspiro sxajnas esti sufia kaj okcidentazia!

20:37  

Post a Comment

<< Hejmen