La Pruno Dorna

La Esperanto-blogo de Liŝano

Mia Foto
Nomo:Liŝano
Loko:Irlando

2006-02-14

Printempebrio




printempebrio —
kiel mi rezistados
ŝian tastenton ?

spring intoxication —
how can I resist
the temptation of her cups?




2006-02-12

Sango


Mi freŝdate akiris sendratan retkonekton, kaj hodiaû, supre sur eskalo, mi tondis la heĝon sovaĝon malantaû la domo, por plibonigi la signalon. La heĝo estas miksaĵo maljuna, de kratago, pruno dorna, ulekso ktp - tuta dornplena.



heĝo de vidvin'

eĉ aĝseka rubuso

sangellasigas


2006-02-10

Fonto Beata

Estas multaj fontoj beataj en Irlando. Ĉiu havas sian pilgrimtago, sed oni vizitas fontojn dum la tuta jaro, por uzi iliajn kvalitojn bonfarajn. Kutime kreskas apude frakseno aû kratago, kaj ofte vidiĝas la branĉoj ornamitaj de ŝtofostrioj helkoloraj, aû de oferaĵetoj kia bebludiloj kaj rozarioj.

Mi parkas apud la vojmontrilo al Tobercranavan (‘Fonto de la blanka arbo’). Laû loka legendo, la akvo ĉi tie fortikigos okulojn malfortiĝantajn. Sur la vojeto supren, sunlumo trafas ulekson fruflorantan, ĝia odoro tabakeca dolĉa en la montaero frida. Pli alte, ombroj akraj sur pino konkuras subtile por mia atento. Postete, mi perceptas aretojn strangojn de branĉetoj kaj ŝtonoj apud la vojeto. Diriĝas ke tiuj estas signoj sekretaj lasitaj per la Tinker-oj, aû Vojaĝuloj.*

Ĉe ĉi tiu fonto, estas trajto konata kiel “ĉerkotrogo”, kie oni estis trempanta la ĉerkon en la akvo beata antaû ol forporti al la kirko proksima “Crannagh” por enterigo. Malsekiginte la okulojn per la fontakvo, mi okulumas trans la valon al Crannagh, sed vidas nur kelketajn granitbulojn inter la rubusoj. Mi malsekigos ree la okulojn alitage.



blessed spring
one last dip
on my way home

* Etno aparta nomada en Irlando.

2006-02-06

Du hajkoj vintraj freŝaj

marŝante urbon -
nevidataj okuloj
profunddormante


sur la nordvento
de malproksima trajno
la akra sono

Jones

Mia frato rakontas historieton pri Kimrio dum la dua mondmilito:

Sekretaganto usona devis akiri kelkajn aktojn gravajn de sia kontaktulo en valvilaĝo sudkimra. La kontaktulo nomiĝis 'Jones' kaj la usonano ekkonus lin per kodfrazo. Kiam li alvenis al la vilaĝo, li eniris spicistejon, kaj diris al la vendisto, "Saluton. Mi serĉas la viron Jones".

La vendisto respondis, "Nu, tiu nomo estas tre kutima en ĉi tiu valo. Estas Jones la buĉisto, Jones la forĝisto, Jones la policano... eĉ mi mem nomiĝas Jones. Do kiun Jones-on vi serĉas?"

Hmmm, pensis la usonano, eble ĉi tiu estas mia serĉato. Li eldiris la kodfrazon, "Oni diras ke la leontodoj kreskas forte en Irlando".

"Ha," respondis la spicisto, "vi serĉas Jones la spionon!"